6 fevral 2012 15:11
Bernard Lippert: Millidən sürprizlər gözləyin
Futbol üzrə Azərbaycanın gənclərdən ibarət yığmasının baş məşqçisi Bernard Lippert komandamızın Türkiyə toplanışını dəyərləndirib. Almaniyalı mütəxəssis azerisport.az saytına müsahibəsində öncə bunları dilə gətirib:
“Biz bu toplanış dövründə müdafiə və hücumdakı taktiki strategiyalarımız üzərində işlədik. Komandamız yeni olsa da, xətlər arasındakı anlaşma səviyyəsini yaxşılaşdırmağa nail olduq. Son üç ildə mən komandaya 15 futbolçu gətirmişəm. Artıq nəticələrimiz də yaxşılaşır”.
“Biz bu toplanış dövründə müdafiə və hücumdakı taktiki strategiyalarımız üzərində işlədik. Komandamız yeni olsa da, xətlər arasındakı anlaşma səviyyəsini yaxşılaşdırmağa nail olduq. Son üç ildə mən komandaya 15 futbolçu gətirmişəm. Artıq nəticələrimiz də yaxşılaşır”.
Almaniyalı baş məşqçi bəzi futbolçuların gənclərdən ibarət millini gücləndirdiklərini desə də, kimisə xüsusi vurğulamaq istəmədi: “Mən Türkiyə toplanışına Premyer Liqada top qovan futbolçuları çağırmamışdım. Əsas məqsədimiz 10 yeni futbolçunu sınaqdan keçirmək idi. Heç kimi xüsusi qeyd etmək istəmirəm. Çünki bu, digərlərinə münasibətdə düzgün çıxmazdı. Gələcəkdə bu futbolçuların hamısı yığmaya faydalı ola bilərlər. Amma üçünü gənclər yığmasına çağıracağımız dəqiqdi”.
Lippert fevralın sonunda baş tutacaq DÇ-nin seçmə mərhələsinin İslandiya ilə oyunu öncəsi nikbindi: “Fikrimcə, yığmanın son oyunlarında müsbət nəticələr qeydə alınmaqdadı. Necə də olmasa, Macarıstana uduzmadıq (1:1). Norveç klubu ilə sülh (0:0) bağladıq. İndi bizi İslandiya ilə oyun gözləyir. Düşünürəm ki, şanslar bərabərdi. Hər iki komanda qələbə qazana bilər. Amma onu da qeyd etməliyəm ki, sonuncu seçmə mərhələdə islandlar çox yaxşı təsir bağışlamışdılar. Rəqibi analiz edəcəyik. Gənclər yığmasından sürprizlər gözləyin”.
