8 fevral 2012 13:16
Qarabağ və Ansi Aqollidən təkzib
Dünən axşam raddələrində Ukrayna mətbuatında “Qarabağ”ın futbolçusu Ansi Aqollinin komandanın düşərgəsini tərk edərək Ukraynanın “Krivbass” klubuyla müqavilə bağladığı xəbəri yayıldı. Azerisport.az xəbər verir ki, bu gün Ağdam klubu rəsmi məlumat yayaraq, bu xəbərləri təkzib edib:
“Rəsmi olaraq bildiririk ki, bu xəbərin heç bir hüquqi əsası yoxdu. Ansi Aqollinin “Qarabağ”la mövsümün sonuna qədər müqaviləsi var. O, hazırda “Qarabağ”ın heyətində Premyer Liqanın hazırlıqlarında iştirak edir”.
“Rəsmi olaraq bildiririk ki, bu xəbərin heç bir hüquqi əsası yoxdu. Ansi Aqollinin “Qarabağ”la mövsümün sonuna qədər müqaviləsi var. O, hazırda “Qarabağ”ın heyətində Premyer Liqanın hazırlıqlarında iştirak edir”.
Müdafiəçi klubun saytına verdiyi açıqlamada bu barədə belə danışıb: “Bu xəbər mənim üçün də maraqlıdı ki, necə meydana çıxıb? “Qarabağ”ı atıb hara getmişəm? İndicə yatırdım. Məni yuxudan oyatdınız. Gördüyünüz kimi Bakıda, “Qarabağ”ın düşərgəsindəyəm. Belə şayiələrə fikir vermirəm. Ötən qış “Qarabağ”la il yarımlıq müqavilə bağlamışam. Sazişin sonuna hələ 6 ay var. Mən hələ uzun illər “Qarabağ”ın formasını daşımaq istəyirəm. Ukraynadan heç kim mənimlə əlaqə saxlmadığı halda belə əsassız olay meydana çıxıb”.
