8 fevral 2012 15:15
Ansi Aqolli: Mən heç bir yerə getməyə hazırlaşmıram
“Qarabağ”ın müdafiəçisi Ansi Aqolli azerisport.az saytına müsahibəsində Ukraynanın “Krivbass” klubuna keçidinə dair yayılan şayiələrə münasibətini açıqlayıb. Albaniya millisinin arxa xətt oyunçusu öncə bunları dilə gətirib:
“Bu informasiya həqiqəti əks etdirmir. Hazırda mənim “Qarabağ”la müqaviləm var və heç bir yerə getməyə hazırlaşmıram. Bu xəbərləri kim və nə üçün yayıb, bilmirəm. Amma bütün bunlar hamısı uydurmadı”.
“Bu informasiya həqiqəti əks etdirmir. Hazırda mənim “Qarabağ”la müqaviləm var və heç bir yerə getməyə hazırlaşmıram. Bu xəbərləri kim və nə üçün yayıb, bilmirəm. Amma bütün bunlar hamısı uydurmadı”.
Aqollinin sözlərinə görə, bu xəbər onu xeyli təəccübləndirib: “Düzünü deyim ki, bu xəbərdən çox təəccübləndim. Çünki mən müqavilə ilə “Qarabağ”a bağlıyam. Heç belə olmasaydı da, mən Ağdam klubundan ayrılmaq, harasa getmək haqda düşünmürəm”.
Fürsətdən istifadə edib, Ansidən komandasının Türkiyə toplanışını dəyərləndirməsini də istədik: “Hesab edirəm ki, toplanışımız çox yaxşı keçdi. Premyer Liqanın qalan dövrünə yaxşıca hazırlaşa bildik. Məlum olduğu kimi, bir neçə sınaq matçı da keçirdik. Əvvəlcə tam hazır deyildik. Vaxta ehtiyacımız vardı. Ona görə də ilk oyunlarımızda heç də hər şey alınmırdı. Amma zamanla forma yığdıq və daha yaxşı oynamağa başladıq. Son iki qarşılaşmada da qələbə qazandıq. İstənilən halda bu oyunlarda nəticə önəmli deyildi. Bizim qarşımızda yaxşı hazırlaşmaq vəzifəsi dururdu”.
Toplanış zamanı “Qarabağ” baxışa çoxlu futbolçu çağırsa da, onların heç birini bəyənmədi. Aqolli isə burda ciddi heç nə olmadığını deyir: “Məncə, bu, normaldı. Toplanışlarda daim çoxlu oyunçular gəlib-gedirlər. Görünür, həmin uşaqlar məşqçilərimizin xoşuna gəlməyiblər. Ona görə də bunda təəccüblü heç nə olmadığını düşünürəm”.
Komandanın yeni transferi Muarem Muarem haqda danışan Ansi bunları söyləyib: “Mən bu futbolçu barədə yaxşı sözlər eşitmişəm. O, gəncdi, istedadlıdı. Amma hələ dəqiq heç nə demək olmaz. Çünki mən heç onun necə oynadığını görməmişəm. Muarem Nedzipidən sonra komandamızdakı ikinci makedoniyalı futbolçu olacaq. Amma heç o da Muaremi canlı görməyib. Ümid edirik ki, yaxşı oyunçu olacaq”.
