9 fevral 2012 01:55
Barselona da İspaniya kubokunun finalında (YENİLƏNİB)
Futbol üzrə İspaniya kubokunda yarimfinal mərhələsinin təkrar oyunları keçirilib. Azerisport.az xəbər verir ki, ilk oyun günündə bir qarşılaşma baş tutub.
1/4 final mərhələsində “Espanyol”u mübarizədən kənarlaşdırmaqla böyük sensasiyaya imza atan aşağı liqa təmsilçisi “Mirandes” bu dəfə “Athletic”lə üz-üzə gəlib. Lakin ilk oyunda səfərdə qələbə qazanmış bilbaolular bu dəfə də rəqibini darmadağın edərək, sürprizə imkan verməyib.
İkinci oyun günündə isə “Valencia” səfərdə “Barcelona” ilə qarşılaşıb. Bu komandalar ilk görüşdə sülhlə ayrılmağa üstünlük vermişdilər. Lakin Kataloniya təmsilçisi doğma meydanda iki cavabsız qolla qalib gələrək, finala yüksəlməyi bacarıb.
İspaniya kuboku
Yarımfinal (cavab oyunları)
7 fevral
Athletic - Mirandes – 6:2 (ilk oyun 2:1)
8 fevral
Barcelona - Valencia - 2:0 (1:1)
