9 fevral 2012 01:07
Afrika Millətlər Kuboku: Finalın adı məlum oldu
Afrika Millətlər Kubokunda yarımfinal mərhələsinin oyunları keçirilib. Azerisport.az xəbər verir ki, Qabon və Ekvatorial Qvineyanın birgə ev sahibliyi etdiyi turnirin finalçıları eyni gündə müəyyənləşib.
Öncə meydana Zambiya və Qana yığmaları çıxıb. Qarşılaşmanın əvvəlində qanalılar hesabı açmaq üçün yaxşı şans əldə etsələr, penaltidən yararlana bilməyiblər. Əvəzində zambiyalılar böyük sürprizə imza ataraq, turnirin finalına yüksəliblər.
Günün digər matçı isə Mali və Fil Dişi Sahili arasında keçirilib. Bu görüşdə də Fil Dişi Sahili millisi minimal hesablı qələbə sayəsində finala vəsiqəyə sahib çıxıb.
Beləliklə, fevralın 12-də keçiriləcək turnirin həlledici matçında Zambiya və Fil Dişi Sahili qarşılaşacaq.
Afrika Millətlər Kuboku
Yarımfinal
9 fevral
Zambiya – Qana – 1:0
Qol: Mayuka, 78.
Matçın 6-cı dəqiqəsində Qana yığmasının üzvü A.Qyan penaltidən yararlana bilməyib
Mali – Fil Dişi Sahili – 0:1
Qol: Cervinyo, 45.
