12 fevral 2012 14:49
Bundesliqa klubu Mixael Skibbeni qovdu
Futbol üzrə Almaniya çempionatında daha bir baş məçqçi istefası gerçəkləşib. Azerisport.az xəbər verir ki, bu qış fasiləsi zamanı Türkiyənin “Eskişehirspor” klubunu ataraq, Bundesliqa təmsilçisi “Hertha”nı seçən Mixael Skibbe postundan uzaqlaşdırılıb.
Berlin klubunun rəhbərliyi son beş matçda ardıcıl məğlubiyyətlərin günahkarı kimi məhz Skibbeni görüb və onun qovulmasına qərar verib. “Hertha”nın ötən gün səfərdə “Stuttgart”a 0:5 hesablı yenilgisi hər şeyin sonu olub.
Qeyd edək ki, bu komanda hazırda 20 xalla 18 komanda arasında 15-ci pillədə qərarlaşıb. Komandanın yeni baş məşqçisinin kim olacağı hələlik bilinmir.
