12 fevral 2012 21:42
Jaba Super Liqada qol hesabını açdı
“Bakı”nın sabiq üzvü Jaba Türkiyə Super Liqasında qol hesabını açıb. Azerisport.az xəbər verir ki, “Trabzonspor”la oyunda “Antalyaspor”un heyətində debüt edən futbolçu bu gün ikinci oyununa çıxıb.
Jaba “Orduspor”la oyunda forma geyinib. Matçın ilk yarısı Ordu təmsilçisinin 3:0 hesablı qələbəsi ilə yekunlaşıb. İkinci hissənin əvvəlində “Antalyaspor”un baş məşqçisi Jabanı meydana buraxıb. Braziliyalı 70-ci dəqiqədə rəqib qapısına yol tapmaqla fərqi azaldıb. Bundan 9 dəqiqə sonra meydana çıxan Emrah Başsan 90+2-ci dəqiqədə fərqi minimuma endirsə də, “Antalyaspor” məğlubiyyətdən qaça bilməyib – 2:3.
