12 fevral 2012 12:09
Anatali Doroş yenə Azərbaycan klubunda
“Simurq” hücumçu problemini həll edib. Azerisport.az xəbər verir ki, Zaqatala klubunun baş məşqçisi Türkiyə toplanışı vaxtı bir çox oyunçunu baxışdan keçirsə də, istədiyi forvardı tapa bilməmişdi.
Lakin Azərbaycana döndükdən sonra “Simurq”un bu cəhdləri fayda verib. Belə ki, bölgə təmsilçisi moldovalı hücumçu Anatoli Doroşun keçidini həll edib. Artıq Zaqatala klubunun düşərgəsinə gələn Doroş yeni komandasında ilk məşqə də çıxıb.
Qeyd edək ki, Doroş artıq bir neçə klubumuzda çıxış edib. O, vaxtilə “MKT-Araz”ın, “Karvan”ın, AZAL-ın şərəfini qoruyub. Doroş son mövsümü Qazaxıstanın "İrtış" klubunda keçirib və 18 oyuna 2 qol vurub.
