13 fevral 2012 17:03
“Bu qələbəni xalqımıza həsr edirik”
Rusiyanın Sankt-Peterburq şəhərində keçirilmiş “Grand-Prix Winter OBSL 2012” beynəlxalq turnirinin qalibi olmuş çimərlik futbolu üzrə Azərbaycan milli komandasının qapıçısı Emin Kürdov bununla bağlı fikirlərini açıqlayıb. Azerisport.az xəbər verir ki, o, açıqlamasında bunları dilə gətirib:
“Çempion olacağımızı gözləyirdim. Turnir mənim üçün uğurlu alındı. Həm qalib olduq, həm də yarışın ən yaxşı qapıçısı seçildim. Finalda Polşa kimi güclü rəqibi çimərlik futbolunda nadir hallarda rast gəlinən 1:0 hesabı ilə məğlub etdik. Maraqlıdı ki, 4 oyunun hamısında rəqibimizi 1 top fərqi ilə üstələmişik. Təbii ki, ən çətin oyunumuzu Polşa yığmasına qarşı keçirdik. Çox dramatik və gərgin matç oldu. Bu qələbəni xalqımıza həsr edirik”. (AFFA)
