15 fevral 2012 18:43
“XL ələ düşən yeganə şansı lazımınca dəyərləndirdi, biz isə yox”
AZAL-ın baş məşqçisi Rafiq Mirzəyev Premyer Liqanın 20-ci turunun “Xəzər Lənkəran”la oyununu şərh edib. Azerisport.az xəbər verir ki, “təyyarəçilər”in çalışdırıcısı komandasının 0:1 hesabıyla məğlub olduğu görüşdən sonra bunları dilə gətirib:
“Məğlubiyyətə baxmayaraq, mən komandamın bu gün sərgilədiyi oyundan razıyam. Birinci hissədə hər iki komandanın qol vəziyyətləri vardı. İkinci hissədə isə rəqib ələ düşən yeganə şansı lazımınca dəyərləndirdi, biz isə yox. Təəssüf ki, üç xal itirdik. Amma qarşıda yenə oyunlarımız var. Onlara hazırlaşmalıyıq. Məğlubiyyətə baxmayaraq, ruhdan düşməyəcəyik. Daha da yaxşı oyunlar göstərəcəyik. “Xəzər Lənkəran”ı qələbə münasibətilə təbrik edirəm””.
