16 fevral 2012 13:41
Danışılmış oyunlarda iştirak edən hakim 5 illik həbs cəzası aldı
Çinin dünyaca məşhur futbol hakimlərindən olan Lu Jun 5 illik həbs cəzası alıb. Azerisport.az xəbər verir ki, buna onun rüşvət alması səbəb olub.
Belə ki, 9 nəfərlə birgə bəzi oyunların nəticəsini öncədən müəyyənləşdirməkdə və bu oyunların nəticəsinə təsir etməkdə ittiham olunan referi də cəzasız qalmayıb. Lu Jun özü ölkə çempionatının 7 matçında nəticəyə təsir edən qərarlar verib. Bunun qarşılığında isə ona 130 min dollar rüşvət verildiyi isbatlanıb.
Qeyd edək ki, Lu Jun Çinin ən aparıcı hakimlərindən hesab olunurdu. O, karyerası ərzində hətta Cənubi Koreya ilə Yaponiyada düzənlənən DÇ-2002-nin də oyunlarını idarə edib. Sözügedən hakim həmin mundialın iki matçında fit çalmışdı.
