16 fevral 2012 14:44
“Bakı üzərində qələbə Qarabağın pik formada olmasından xəbər vermir”
“Qarabağ”ın yarımmüdafiəçisi Georgi Adamiya azerisport.az saytına müsahibəsində komandasının Premyer Liqanın 20-ci turundakı “Bakı” ilə oyununu şəhr edib. Gürcü futbolçu 3:0 hesabıyla qələbə qazandıqları görüşlə bağlı öncə bunları dilə gətirib:
“Bu görüşdə biz çoxlu qol epizodları yaratdıq. Daha yaxşı oyun göstərməyə çalışırdıq. Bunun məntiqi nəticəsi kimi, bütün oyun boyu üstünlük bizdə idi. Amma görüşün nəticəsi bizim pik formada olduğumuz anlamına gəlməməlidi. Fikrimcə, biz hələ bundan sonra daha yaxşı oyun sərgiləyəcəyik”.
“Bu görüşdə biz çoxlu qol epizodları yaratdıq. Daha yaxşı oyun göstərməyə çalışırdıq. Bunun məntiqi nəticəsi kimi, bütün oyun boyu üstünlük bizdə idi. Amma görüşün nəticəsi bizim pik formada olduğumuz anlamına gəlməməlidi. Fikrimcə, biz hələ bundan sonra daha yaxşı oyun sərgiləyəcəyik”.
Adamiya “Bakı”nı darmadağın etmələrinin onun üçün gözlənilməz olduğunu deyir: “Düzünü deyim ki, mən belə böyük hesabla qələbə qazanacağımızı düşünmürdüm. Belə güclü komandaları bu cür hesablarla məğlub etmək həmişə xoşdu. Ümid edirəm ki, bundan sonra da yaxşı oyun göstərməyə davam edəcəyik. Belə qələbə qazanmağımızın hansısa xüsusi səbəbinin olduğunu demək çətindi. Biz sadəcə baş məşqçinin tapşırıqlarını düzgün yerinə yetirdik, ələ düşən imkanlardan yararlandıq. Fikrimcə, qələbə istəyi də bizdə daha güclüydü. Həm də bizdə hər şey daha yaxşı alınırdı, nəinki “Bakı”da”.
Təcrübəli futbolçu rəqib komandadan da danışıb: “Bakı”nın yeni futbolçularını artıq indidən tənqid etmək düz olmazdı. Onlar üçün bu, hələ başlanğıcdı. Hər şey qarşıdadı. Daha bir neçə oyun lazımdı ki, onlar çempionata uyğunlaşsınlar. Bir oyunla nəsə demək çətindi”.
Adamiya öz komandasının yenilərindən olan Muarem Muaremin də debütünə toxunub: “O, yaxşı futbolçudu. Amma deməliyəm ki, o, oyundan iki gün öncə məşqlərə başlamışdı. Muaremə hələ komandaya uyğunlaşmaq üçün bir qədər vaxt lazımdı. Ümid edirəm ki, “Qarabağ”a fayda verəcək”.
Ağdam klubunun yarımmüdafiəçisi qarşıdakı turun “Kəpəz”lə oyununa da toxunub: “İndidən heç nə deyə bilmərəm. Rəqibin transferlərindən xəbərim yoxdu. Mövsümün qalan dövrünə necə hazırlaşdıqlarını da bilmirəm. Bizim onları daha yaxşı analiz etməyimizə ehtiyac var”.
