16 fevral 2012 19:06
Aleksandr Starkova son xəbərdarlıq edildi
“Bakı” rəhbərliyi paytaxt klubunun baş məşqçisi Aleksandr Starkova xəbərdarlıq edib. Azerisport.az xəbər verir ki, buna Premyer Liqanın 20-ci turunda “Qarabağ”a 0:3 hesablı məğlubiyyət səbəb olub.
Belə ki, oyundan sonra rəhbərliyə hesabat verən latviyalı mütəxəssisin qarşısına şərt qoyulub. Starkov altılıq oyunlarına kimi baş tutacaq son üç matçda komandasına qələbə qazandırmalıdı. Əks halda Starkov istefaya göndəriləcək.
Qeyd edək ki, hazırda “Bakı” rəhbərliyi baş məşqçinin işindən narazıdı. Qarşısında çempionluq vəzifəsi durmasına rəğmən, 29 xalla 5-ci pillədə qərarlaşan, hətta ilk altılığa düşməmək təhlükəsi də olan “zolaqlılar” qarşıdakı turlarda “Simurq”, “İnter” və “Neftçi”yə uduzsa, böyük ehtimalla final mərhələsinə Starkovsuz başlayacaq.
