19 fevral 2012 01:38
Rehagel Bundesliqa klubunda
Futbol üzrə Almaniya Bundesliqasında çıxış edən “Hertha” klubunun yeni baş məşqçisi müəyyənləşib. Azerisport.az xəbər verir ki, klub rəhbərliyi Otto Rehagellə anlaşıb.
Yunanıstan yığmasının sabiq baş məşqçisi, bu komandanı 2004-cü ildə Avropa çempionu edən almaniyalı mütəxəssis Bundesliqa təmsilçisiylə qısa müddətli anlaşma imzalayıb. Belə ki, 73 yaşlı mütəxəssis “Hertha”nı mövsümün sonuna kimi çalışdıracaq.
Xatırladaq ki, “Hertha” rəhbərliyi iki ay öncə Markus Babbeli qovaraq, onun yerinə Mixael Skibbeni gətirmişdi. Lakin ötən bazar günü Skibbe də ardıcıl uğursuzluqlar nəticəsində istefaya göndərilmişdi. Rehagel bu mövsüm sözügedən komandanı çalışdıracaq üçüncü mütəxəssis olacaq.
Qeyd edək ki, Rehagel Yunanıstan yığmasından ayrılandan bəri işsiz idi. Onun yeni komandası isə hazırda 18 komanda arasında 15-ci yerdə gedir.
