23 fevral 2012 19:34
Kamanandan Qəbələyə xoş xəbər
Futbol üzrə Azərbaycan Premyer Liqasının 21-ci turunda “Xəzər Lənkəran” qarşı matçda “Qəbələ”nin hücumçusu, komandasının heyətində 2-ci oyununa çıxan Yannik Kamanan başından zədə almışdı. Azerisport.az xəbər verir ki, qarşılaşmanın sonlarına yaxın baş verən bu hadisədən sonra fransalı forvard tibbi müayinədən keçirilib.
Komandanın fizioterapevti Seçkin Pişkinin verdiyi məlumata əsasən Kamananın zədəsi ciddi deyil. O, heyətə verilən iki günlük istirahətdən sonra komanda ilə birlikdə məşqlərə qatılacaq.
