24 fevral 2012 15:54
“İkinci, üçüncü liqa klubundansa, Sinqapurla oynamaq daha yaxşıdı”
Ramiz Məmmədov futbol üzrə Azərbaycan yığmasının Birləşmiş Ərəb Əmirliklərinin Dubay şəhərində keçirəcəyi təlim-məşq toplanışı çərçivəsindəki sınaq matçlarından və rəqiblərindən danışıb. Azerisport.az saytına müsahibəsində o, bunları dilə gətirib:
“Həqiqətən, yığmamızın bu toplanışda qarşılaşacağı rəqiblər olduqca zəifdilər. Amma Berti Foqtsu başa düşmək olar. O, komandaya dəvət etdiyi gənc və yeni futbolçuları sınamaq istəyir. Bunun üçün də belə zəif rəqiblərlə oynamaq daha yaxşı variantdı. Almaniyalı mütəxəssis çətin ki, yeniləri daha güclü komandalarla oyunlarda sınaya bilərdi. İndiki zamanda isə hər bir futbolçu özünü göstərmək imkanı qazanacaq. Digər tərəfdən milli çempionatların ən qızğın dövründə Avropada normal rəqib tapmaq da çətindi. Odu ki, hansısa ikinci, üçüncü liqa klublarına qarşı oynamaqdansa, Sinqapurla, Fələstinlə oynamaq daha yaxşıdı”.
“Həqiqətən, yığmamızın bu toplanışda qarşılaşacağı rəqiblər olduqca zəifdilər. Amma Berti Foqtsu başa düşmək olar. O, komandaya dəvət etdiyi gənc və yeni futbolçuları sınamaq istəyir. Bunun üçün də belə zəif rəqiblərlə oynamaq daha yaxşı variantdı. Almaniyalı mütəxəssis çətin ki, yeniləri daha güclü komandalarla oyunlarda sınaya bilərdi. İndiki zamanda isə hər bir futbolçu özünü göstərmək imkanı qazanacaq. Digər tərəfdən milli çempionatların ən qızğın dövründə Avropada normal rəqib tapmaq da çətindi. Odu ki, hansısa ikinci, üçüncü liqa klublarına qarşı oynamaqdansa, Sinqapurla, Fələstinlə oynamaq daha yaxşıdı”.
