24 fevral 2012 16:50
Sivasspor Cihan Özkaranı Azərbaycan yığmasına buraxmadı
Futbol üzrə Azərbaycan yığmasının hücumçusu Cihan Özkara komandamızın Dubay toplanışına qoşulmayıb. Azerisport.az xəbər verir ki, buna səbəb Türkiyənin “Sivasspor” klubunun oyunçusunu yığmaya buraxmaqdan imtina etməsidi.
AFFA-nın AFFA-nın İnformasiya və İctimaiyyətlə Əlaqələr Departamentinin rəhbəri Mikayıl Nərimanoğlu saytımıza açıqlamasında bildirib ki, türklər bunu Sinqapur yığmasıyla bu günkü, eləcə də fevralın 27-də keçiriləcək Hindistanla oyunların FİFA-nın yoxlama görüşləri üçün nəzərdə tutulan pəncərəyə düşməməsi ilə əlaqələndirirlər. Fevralın 26-da Cihan Türkiyə Superliqasının 28-ci turunun “Genclerbirliği”nə qarşı oyununda iştirak etməlidi. Bu üzdən də Özkara millimizin düşərgəsinə yalnız ayın 27-dən sonra qoşula biləcək. Belə olan halda onun yalnız fevralın 29-da baş tutacaq Fələstinlə oyunda iştirakı mümkündü.
