27 fevral 2012 12:23
UEFA Bakıya göndərdiyi hakimi dəyişdi
21 yaşadək futbolçulardan ibarət komandalar arasında Avropa çempionatının seçmə mərhələsi çərçivəsində fevralın 29-da, saat 18:00-da, AFFA Futbol Mərkəzindəki “Dalğa Arena”da keçiriləcək Azərbaycan – İslandiya oyununu idarə edəcək hakimlərin siyahısında dəyişiklik edilib. Azerisport.az xəbər verir ki, bu barədə AFFA məlumat yayıb.
Məlumatda bildirilir ki, Bosniya və Herseqovinanı təmsil edən yan xətt hakimi Senad İbrisimbeqoviçin əvəzinə rusiyalı Dmitri Mosyakin təyinat alıb. Hakimlərin siyahısını bir daha diqqətinizə çatdırırıq:
Baş hakim: Emir Alekoviç (Bosniya və Herseqovina)
Baş hakimin köməkçiləri: Momir Sirko (Bosniya və Herseqovina), Dmitri Mosyakin (Rusiya)
Dördüncü hakim: Darko Obradoviç (Bosniya və Herseqovina)
Hakim-inspektor: Vasili Melniçuk (Ukrayna)
