28 fevral 2012 00:37
Foqts: Şəkil barədə heç nə bilmirəm
Futbol üzrə Azərbaycan yığmasının baş məşqçisi Berti Foqts komandamızın 5 futbolçusunu cəzalandırmasına dair fikirlərini açıqlayıb. Lakin o, azerisport.az saytına müsahibəsində onları mətbuatda yayılan şəkilə görə cəzalandırmadığını bildirib:
“Şəkil barədə heç nə bilmirəm. Mən Azərbaycan mətbuatını oxumuram. İnternetə də baxmıram”.
Qeyd edək ki, almaniyalı mütəxəssisin cəzalandırdığı futbolçular yığmanın milliləşdirilmiş əcnəbiləridi: Vladimir Levin (“İnter”), Branimir Subaşiç (“Xəzər Lənkəran”), Ufuk Budak (“Freiburg”), Aleksandr Çertoqanov (“Qəbələ”) və Andrey Popoviç (“Sumqayıt”). Foqts onların adını ötən gün keçirilən Hindistanla yoldaşlıq oyununun iştirak ərizəsinə də daxil etməyib. Buna sözügedən futbolçuların daxili nizam-intizamı pozması səbəb olub. Belə ki, Birləşmiş Ərəb Əmirliklərinin Dubay şəhərində əllərində siqaret və içki olan şəkilləri yayımlanan futbolçular yığmadan kənarda qalıblar.
