29 fevral 2012 01:06
Super Liqada növbəti baş məşqçi istefası
Türkiyə Super Liqasında növbəti baş məşqçi istefası reallaşıb. Azerisport.az xəbər verir ki, “Manisaspor”un çalışdırıcısı Ümit Özat postundan ayrılıb.
Ötən gün klub rəhbərliyi ilə görüşən Özat istefa vermək qərarına gəlib. Bu barədə o, keçirdiyi mətbuat konfransında məlumat verib: “Sözün bitdiyi nöqtədəyəm. Uzun-uzadı danışmağın anlamı yoxdu. Ardıcıl 12 həftə qələbə qazana bilməyən komandanı qəbul etmişdim. Komandanı bu durumdan çıxarmaq üçün mümkün olan nə vardısa meydanda və ondan kənarda etdim. Komanda rəhbərliyim altında oynadığı 6 oyunda qələbəyə yaxın oldu. Bəzən alınmır, bizdə alınmadı. Futbol şansı yanımızda deyildi. Oynayaraq, mübarizə apararaq yenildik. Burda kimsədən incikliyim yoxdu. Almaniyada bir atalar sözü var: “qovulmadan məşqçi ola bilməzsən”. Təəssüf ki, bunlar futbolda olur. Mən də bu günləri yaşamalı imişəm”.
Qeyd edək ki, Ümit Özat futbolçu karyerası ərzində Türkiyənin “Ankaragücü”, “Genclerbirliği”, “Bursaspor”, “Fenerbahçe” və Almaniyanın “Cologne” klublarında oynayıb. Məşqçiliyə “Cologne”də köməkçi kimi başlayan 35 yaşlı Özat daha sonra “Ankaragücü”nü və “Manisaspor”u çalışdırıb.
