29 fevral 2012 11:25
Rəşad Sadıqov: Dubay havasını sevmirəm
Futbol üzrə Azərbaycan yığmasının kapitanı Rəşad Sadıqov azerisport.az saytına müsahibəsində komandamızın Birləşmiş Ərəb Əmirliklərindəki toplanışını və yoxlama matçlarını dəyərləndirib. O, bu gün baş tutacaq Fələstinlə oyunda qələbə qazanmaq istədiklərini deyir:
“Fələstini mütləq məğlub etməliyik. Bu matç FİFA reytinqində də nəzərə alınacaq. Bizim də hazırkı mövqeyimizi yaxşılaşdırmağımız vacibdi”.
“Fələstini mütləq məğlub etməliyik. Bu matç FİFA reytinqində də nəzərə alınacaq. Bizim də hazırkı mövqeyimizi yaxşılaşdırmağımız vacibdi”.
Hindistanla son oyunumuza toxunan Sadıqov bunları qeyd edib: “Bu oyun bizim istədiyimiz ssenari üzrə keçdi. Biz təkcə üç qol vurmadıq, həm də yaxşı oyun sərgilədik. Mənə elə gəlir ki, Hindistanla qarşılaşmada daha çox hərəkətliydik, daha çox qaçdıq. Hansı ki, Sinqapurla oyunda həmin fəallığı nümayiş etdirməmişdik. Daha az səhvə yol verdik və qələbə qazandıq”.
Millinin Dubay toplanışına damğasını vuran qalmaqaldan da danışan kapitan bunları dilə gətirib: “Bununla bağlı komanda daxili iclas oldu. Lakin bu toplantının mahiyyətinin kollektiv içində qalmasını içərdim. Mən heç nə demədim. Həmin gün istirahət edirdik. Hamının şəhərə gəzməyə çıxmaq imkanı var idi. Bu oyunçular oteldə gecə saat 2-3-də olublar. Onlar səhərə qədər gəzməyiblər - sadəcə öz istirahətlərini belə keçirməyi qərara alıblar. Bəli, orada xoşagəlməz anlar olub, ancaq uşaqlar heç kimə hörmətsizlik göstərməyiblər. Əlbəttə, siqaret və alkoqolsuz daha yaxşı olardı”.
Yığmanın lideri komandamızın sıralarına cəlb olunan gənc futbolçuların da çıxışına toxunub: “Hacı Əhmədovun oyunu mənim xoşuma gəldi. O, yığmada debüt matçına çıxsa da, çox inamlı təsir bağışlayırdı. Digər futbolçulardan qətiyyən geri qalmırdı. Hücumlara da fəal qoşulurdu”.
Onun sözlərinə görə yerli hava şəraiti də öz sözünü deyir: “Bu hava məni əldən salır. Çünki lap çox isti havanı sevmirəm. Dubayın da havası ürəyimcə deyil. Bürküdü”.
