1 mart 2012 17:48
Qəbələ ilk altılığın bir addımlığında
Martın 3-də Premyer Liqanın 22-ci turunda “Qəbələ” “Rəvan”la qarşılaşacaq. Azerisport.az xəbər verir ki, şənbə günü baş tutacaq görüş komandalar arasında 2-ci oyundu.
Belə ki, “Qəbələ” Premyer Liqanın debütantı ilə cəmi 1 dəfə qarşılaşıb. Bu da cari mövsümün birinci dövrəsinə təsadüf edib. Ötən il sentyabrın 30-da Qəbələdə keçirilən oyun meydan sahibləri üçün uğursuz bitmişdi – 2:3. Həmin qarşılaşmadan 155 gün sonra “Rəvan”la səfərdə qüvvəsini sınayacaq Fatih Kavlakın yetirmələri bu dəfə fərqli durumda olan rəqiblə qarşılaşacaq. Belə ki, “Qəbələ”dən fərqli “Rəvan” ilk “altılıq” ümidlərini rəsmən itirib. “Qəbələ” isə bu matçda xal qazanmaqla digər rəqiblərinin nəticələrindən asılı olmayaraq ilk altılıq vəsiqəsini təmin edəcək.
