2 mart 2012 14:56
“Səfərə heç-heçə üçün getmirik”
“Qəbələ” Premyer Liqanın 22-ci turu çərçivəsində sabah paytaxtda “Rəvan”la üz-üzə gələcək. Azerisport.az xəbər verir ki, matç öncəsi komandanın baş məşqçisi Fatih Kavlak fikirlərini bölüşüb:
“Rəvan” ciddi rəqibdi. Onlar artıq birinci dövrədə Qəbələdə keçirilən oyunda bunu sübut ediblər. Sabit heyətə malikdirlər. Komandanın ilk altılıq şansını itirməsinə baxmayaraq, bizimlə matçda sonadək mübarizə aparacaqlarından əminəm”.
Baş məşqçi səfərə 3 xal üçün yollandıqlarını bildirib: “Bildiyiniz kimi sözügedən oyunda xal qazanmaqla ilk altılığa vəsiqənin təmin edəcəyik. Amma səfərə heç-heçə arxasınca getmirik. Məqsədimiz qələbə qazanmaqdır. Bu oyunda maksimum nəticə əldə etməklə həm altılığa vəsiqəni təmin etmək, həm də xal ehtiyatımızı artırmaq istəyirik. Komandada yüksək ab-hava hökm sürür. Zədəlilərimiz sıraya dönüblər. Milli komandanın heyətində olan Mahir Şükürovla Aleksandr Çertoqanov da bu gün bizə qoşulacaqlar”. (klubun saytı)
