3 mart 2012 16:58
Cüneyt Biçər: Meydanın pis olması hər iki komandanın oyununa mənfi təsir etdi
“Xəzər Lənkəran”ın baş məşqçisi Cüneyt Biçer Premyer Liqanın 22-ci turunun Sumqayıt”la oyununu şərh edib. Azerisport.az xəbər verir ki, Lənkəran klubunun türkiyəli çalışdırıcısı komandasının 3:0 hesabıyla qələbə qazandığı oyundan sonra bunları dilə gətirib:
“Həmkarımı gənc, mübariz komanda yaratdığı üçün təbrik edirəm. Bu qədər gənc futbolçunu bir yerə toplayıb gözəl komanda yaratmaq o qədər də asan məsələ deyil. Meydanın pis olması hər iki komandanın oyununa mənfi təsir etdi. Oyunun əvvəlində bir qədər çətinlik çəkdik. İlk qoldan sonra oyunumuz daha yaxşı alındı. İkinci qoldan sonra isə bir az rahat oynadıq. Üç xalı üç qolla qazanmağımız xoş oldu”.
