3 mart 2012 11:43
Premyer Liqa, 22-ci tur: Arif Əsədovun proqnozu
“Neftçi”nin sabiq baş məşqçisi Arif Əsədov Premyer Liqanın 22-ci turunun oyunları ərəfəsində azerisport.az saytı üçün proqnozlarını açıqlayıb.
Sumqayıt – Xəzər Lənkəran
Məlum olduğu kimi, “Xəzər Lənkəran” çempionatda liderlik uğrunda mübarizə aparır. Cənublulara indi mütləq xal qazanmaq lazımdı. “Sumqayıt”a gəlincə, bu komanda ilk altılıq şanslarını çoxdan itirib. Fikrimcə, qələbə “Xəzər Lənkəran”ın olacaq. Amma onlar bunu asanlıqla əldə etməyəcək. Hər halda minimal fərqlə qalib gələcəklərini düşünürəm.
Kəpəz – Simurq
Hesab edirəm ki, Gəncədə çox maraqlı qarşıdurma olacaq. Hər iki komanda uğur qazanmaq istəyindədi. “Simurq” səfərdə qol vura bilər. Amma yekun nəticənin “Kəpəz”in xeyrinə olacağını proqnozlaşdırıram.
Bakı – İnter
Turun mərkəzi oyunu çox gərgin keçəcək. Sirr deyil ki, hər iki komanda üçün qələbə qazanmaq vacibdi. Birinə ilk altılıqdakı mövqeyini möhkəmləndirmək, digərinə isə lider “Neftçi”dən aralı düşməmək üçün xallara ehtiyac var. Bu görüşün heç-heçə bitəcəyini düşünürəm.
Turun mərkəzi oyunu çox gərgin keçəcək. Sirr deyil ki, hər iki komanda üçün qələbə qazanmaq vacibdi. Birinə ilk altılıqdakı mövqeyini möhkəmləndirmək, digərinə isə lider “Neftçi”dən aralı düşməmək üçün xallara ehtiyac var. Bu görüşün heç-heçə bitəcəyini düşünürəm.
Turan – Neftçi
Bakılılar turnir cədvəlinə başçılıq edirlər. Onlar liderliklərini itirməmək üçün növbəti qələbəyə imza atmağa çalışacaqlar. “Neftçi”yə “Turan”la səfər oyunları həmişə çətin olub. Amma hesab edirəm ki, bu oyunda 3 xala sevinən tərəf “Neftçi” olacaq.
Qarabağ – AZAL
Qış fasiləsindən sonra ağdamlıların oyununda xeyli irəliləyiş var. Komanda artıq öz oyununu tapmağa başlayıb. AZAL-ın ilk altılığa düşmək şansları olsa da, çox azdı. Bu oyunda 3 xalın “Qarabağ”a qismət olacağını düşünürəm.
Rəvan – Qəbələ
“Rəvan” ilk altılığa düşmək şansını itirib. Amma buna baxmayaraq, onların “Qəbələ”yə müqavimət göstərəcəklərini düşünürəm. Turnir cədvəli baxımından qələbə qonaqlara daha çox lazımdı. Məhz bu üzdən 3 xalı “Qəbələ” qazanmalıdı.
