4 mart 2012 12:14
“İlk dəqiqələrdə çox həyacanlı idim”
Premyer Liqanın 22-ci turunda “Qəbələ” səfərdə “Rəvan” üzərində böyükhesablı qələbə qazandı. Azerisport.az xəbər verir ki, bu qələbə ilə ilk altılıq “qapısını aralayan” Fatih Kavlakın yetirmələri qarşısında indi daha yüksək hədəflər durur.
Bu qarşılaşma ilk dəfə start heyətdə meydançaya çıxan gənc Ürfan Abbasov üçün xüsusilə yaddaqalan oldu. O, matçdan sonra klubun rəsmi saytına açıqlamasında bunları dilə gətirib:
“İlk dəqiqələrdə çox həyacanlı idim. Komanda yoldaşlarımın dəstəyi ilə dəqiqələr ötdükcə bu həyəcanı üzərimdən atmağı bacardım. Pis və ya yaxşı oynadığımı deyə bilmərəm. Bunu baş məşqçimiz və ətrafdan baxanlar söyləyə bilərlər. Qalib heyətdə yer aldığım üçün çox sevincliyəm. İndi bizi daha çətin və məsuliyyətli mərhələ gözləyir. İnanıram ki, kollektiv olaraq məqsədimizə nail olacağıq”.
