Premyer Liqa, 19-cu tur: tarixə səyahət

Bu həftə keçiriləcək 6 qarşılaşma ilə Premyer Liqada 2011/12-ci il mövsümünün təsnifat mərhələsinə yekun vurulacaq. Azerisport.az xəbər verir ki, ölkə çempionatının iştirakçıları təxirə salınan 19-cu turun oyunlarında qüvvəsini sınayacaqlar.

 

Peşəkar Futbol Liqasının rəsmi internet saytı 2012-ci ildə qoyduğu ənənəyə sadiq qalaraq XIX turun oyunlarında üz-üzə gələn komandaların əvvəlki qarşılaşmalarının balansını təqdim edir. Burada klubların əvvəlki adları ilə də olan çempionat matçları əks olunub.

ХIХ tur

7 mart (çərşənbə)

 

AZAL (Bakı) – “Sumqayıt Şəhər” (Sumqayıt) +0=0-1, top fərqi - 1:2

Sumqayıt təmsilçisi Unibank Premyer Liqasının debütantı olduğundan rəqiblər cari mövsümədək üz-üzəgəlməmişdi. Komandalar arasında baş tutan ilk və hələlik yeganə oyun isə ötən ilin sonlarında baş tutub. Debütant həmin qarşılaşmada qələbə qazanmağıbacarıb.

 

 

“Qarabağ” (Ağdam) – “Simurq” (Zaqatala) +3=4-4, top fərqi - 8:12

Zaqatala təmsilçisi uzun müddət “Qarabağ” üçün ən çətin rəqiblərdən sayılıb. Bunun nəticəsi idi ki, Unibank Premyer Liqasının 2010/11-ci il mövsümünədək ağdamlılar bu rəqib üzərindəqələbəyə həsrət idi. Lakin 8 oyunluq uğursuz seriyaya son qoyan “Qarabağ” artıq 792 gün - 3 qarşılaşmadır ki, rəqibinə xal vermir. Son 2 qələbəni səfərdə əldəedən Qurban Qurbanovun yetirmələri bu 2 matçda qapısından qol da buraxmayıb.

 

 

“Turan” (Tovuz) – “Xəzər Lənkəran” (Lənkəran) +1=3-11, top fərqi 8:28

Onsuz da çətin günlərini yaşayan “Turan” üçün “Xəzər Lənkəran” çətin rəqib sayılır. Baş tutan 15 oyunda lənkəranlıların 11 qələbə qazanması da bunu göstərir. “Turan” isə sonuncu dəfəbu rəqibdən 882 gün əvvəl xal alıb və sonrakı 4 matçda uduzub.

 

 

“İnter” (Bakı) – “Rəvan” (Bakı) +1=0-0, top fərqi - 2:1

Bu komandalar arasında paytaxt derbisi indiyədək cəmi 1 dəfə baş tutub ki, cari mövsümə təsadüf edən həmin oyunda “İnter” çətin qələbə qazanıb.

 

 

“Kəpəz” (Gəncə) – “Qəbələ” (Qəbələ) +0=4-1, top fərqi 1:3

İlk dəfə ötən mövsüm üz-üzə gələn rəqiblər bütün oyunlarda heç-heçə ilə kifayətləndilər. Həm təsnifat, həm də final mərhələsində qarşılaşan tərəflər arasında balans cari mövsüm pozuldu. Artıq 2 oyundur “Kəpəz”dən qol buraxmayan “Qəbələ” şəxsi oyunlarda qələbə qazanan ilk komanda oldu.

 

 

“Bakı” (Bakı) – “Neftçi” (Bakı) +7=7-21, top fərqi 26:52

Bu komandalar arasında paytaxt derbisi 3 hissədən ibarətdir: paytaxtın eyniadlı təmsilçisinin “Polis Akademiysı”nın bazasında yaradıldığı 1997-ci ilədək olan 2 matç, “Dinamo” dövrü və “Bakı” adı altındakı oyunlar. Ümumi balansda üstünlüyü aşkar olan “Neftçi”son illər də həmşəhərliləri ilə oyunlarda daha yaxşı nəticə qazanır. 427 gündən sonra “Neftçi”dən xal almağa və qol vurmağa çalışacaq “Bakı” ötən ildəki hər 3 qarşılaşmada rəqibinə uduzub. 427 gün əvvəlki məğlubiyyət “Neftçi” üçün son 8 derbidəyeganədir.