6 mart 2012 16:39
Rəvan Neftçi ilə oyuna çıxmaqdan imtina etdi
AFFA İntizam Komitəsi “Rəvan”ın U-17 komandasına texniki məğlubiyyət verib. Azerisport.az xəbər verir ki, buna səbəb “Rəvan”ın U-17 liqasının “Neftçi” ilə oyununa gəlməməsi olub. Bu səbəbdən kluba 0:3 hesablı texniki məğlubiyyət verilib.
U-13 liqasında “Birlik” İOEUGİM-lə (Sumqayıt), U-11 liqasında UGİM (Balakən) UGİM (İsmayıllı) ilə oyuna təyin olunmuş vaxtda gəlmədiyi üçün 0:3 hesablı texniki məğlubiyyət alıb.
U-14 liqasında isə bir klub fəaliyyətini dayandırıb. Belə ki, Gədəbəyin “Qartal” komandası çıxışını dayandırıb. Bu səbəbdən qarşıdakı bütün görüşlərdə kluba 0:3 hesablı texniki məğlubiyyət veriləcək.
