6 mart 2012 18:12
Rəvan İvan Vasilyevi komandadan qovur
“Rəvan”ın vitse-prezidenti Bəhruz Şirəliyev komandanın qapıçısı İvan Vasilyevin Premyer Liqanın 22-ci turunun “Qəbələ” ilə oyununda qeyri-etik jest göstərməsinə və meydanı tərk etdiyi vaxt matçın baş hakiminə tərəf tüpürməsinə, eləcə də bu səbəbdən futbolçunun 6 oyunluq cəzaya, klubun 5000 manat cərimə olunmasına münasibətini açıqlayıb. Azerisport.az saytına müsahibəsində o, bunları dilə gətirib:
“Klubun qarşıdakı toplantısında Vasilyevin komandamızdakı gələcək taleyinə aydınlıq gətirəcəyik. Belə hərəkətlər “Rəvan”ın qapıçısı üçün qəbulolunmazdı. Futbolçunun komandadan uzaqlaşdırılması istisna deyil. Pul cəriməsinə gəlincə, bunu adətən klub ödəyir. Amma bu dəfə həmin cəriməni ödəməyə hazırlaşmırıq. Futbolçu öz qeyri-etik hərəkətlərinin qarşılığında bunun cəzasını özü çəksin, cəriməni ödəsin”.
“Klubun qarşıdakı toplantısında Vasilyevin komandamızdakı gələcək taleyinə aydınlıq gətirəcəyik. Belə hərəkətlər “Rəvan”ın qapıçısı üçün qəbulolunmazdı. Futbolçunun komandadan uzaqlaşdırılması istisna deyil. Pul cəriməsinə gəlincə, bunu adətən klub ödəyir. Amma bu dəfə həmin cəriməni ödəməyə hazırlaşmırıq. Futbolçu öz qeyri-etik hərəkətlərinin qarşılığında bunun cəzasını özü çəksin, cəriməni ödəsin”.
