6 mart 2012 19:14
Qəbələ Donetsk səfərinə hazırlaşır
"Qəbələ”nin 1997-ci il təvəllüdlü futbolçularından ibarət komandası (U-15) martın 9-dan 16-dək Ukraynanın Donetsk şəhərində təlim-məşq toplanışında olacaq. Azerisport.az xəbər verir ki, bu, “Qəbələ” ilə Ukraynanın “Şaxtyor” klubu arasındakı əməkdaşlıq çərçivəsində atılan növbəti addımdı. Qeyd edək ki, ilk mərhələdə klub rəsmilərinin qarşılıqlı səfərləri ilə təməli qoyulan əməkdaşlıq yanvar ayında tərəflər arasında imzalanan protokolla rəsmiləşdirilib.
Donetskdə klubu təmsil edəcək nümayəndə heyətinə 25 nəfər daxil edilib: Ali Yavaş (Qəbələ Futbol Akademiyasının direktoru), Nail Kərimov (direktor müavini), Halim Fıçıcı (baş məşqçi), Eldəniz Süleymanov (məşqçi), Uğur Kurt (qapıçı məşqçisi), Şabəddin Məmmədov (fizioterapevt), Elnur Əfəndiyev (inzibatçı) və futbolçular Aleksey Dedyukin, Yusif Şirinov, Bəhlul Mustafazadə, Ayxan Əsədov, Çingiz Hüseynov, Mirəli Məmmədzadə, Maqomed Quseynov, Orxan Mehrəlizadə, Yusif Nəbiyev, Əli Səmədov, Emin Zamanov, Tural Məmmədzəyev, Sahil Mirzəyev, Ülvü İskəndərov, Roman Hüseynov, Vüqar Əlibabayev, Coşqun Süleymanov, Fərid Əsədli.
“Qəbələ” U-15 bir həftə davam edəcək toplanış çərçivəsində 3 yoxlama görüşündə də qüvvəsini sınayacaq. Futbolçularımız martın 11-də “Şaxtyor”un U-15, 13-də “Şaxtyor”un şəhər filialının komandası, 15-də isə “Metallurq”un U-15 kollektivləri ilə qarşılaşacaqlar.
“Qəbələ” U-15 bir həftə davam edəcək toplanış çərçivəsində 3 yoxlama görüşündə də qüvvəsini sınayacaq. Futbolçularımız martın 11-də “Şaxtyor”un U-15, 13-də “Şaxtyor”un şəhər filialının komandası, 15-də isə “Metallurq”un U-15 kollektivləri ilə qarşılaşacaqlar.
Qeyd edək ki, Qəbələ futbolçuları təlim-məşq toplanışı günlərində “Şaxtyor”un əsas komandasının bazasında qalacaqlar. Bundan əlavə gənc futbolçularımız Avropanın ən möhtəşəm arenalarından sayılan “Donbass Arena”na ilə əyani şəkildə tanış olacaqlar. Qeyd edək ki, xarici ölkələrdə, xüsusilə də tanınmış klubların bazasında keçirilən hazırlıq və beynəlxalq görüşlərin akademiyanın gənc futbolçularının dünyagörüşünün formalaşması və onların hazırlıq səviyyəsinin peşəkar səviyyəyə çatdırılmasında rolu əvəssizdir.
Qeyd edək ki, gələcəkdə “Şaxtyor”un da aşağı yaş qrupundan olan komandalarının Qəbələyə səfər edəcəyi nəzərdə tutulur.
