7 mart 2012 19:40
Azərbaycan yığması FİFA reytinqində 7 pillə gerilədi
FİFA milli komandaların növbəti reytinq cədvəlini açıqlayıb. Azerisport.az xəbər verir ki, ötən ayla müqayisədə millimiz 7 pillə geriləyib.
Belə ki, fevralda 109-cu olan yığmamız bu dəfə 116-cı pilləni tutub. Komandamızın aktivində 285 xal var.
DÇ-2014-ün seçmə mərhələsində millimizlə birlikdə F qrupunda yer almış rəqiblərdən Rusiya 1 pillə irəliləyərək 12-ci (1003 xal), Lüksemburq 6 pillə irəliləyərək 127-ci olub (264 xal). Portuqaliya (7-ci yer, 1106 xal) və Şimali İrlandiya 1 (87-ci yer, 400 xal), İsrail isə 3 (38-ci yer, 651 xal) pillə geriləyib.
Qardaş Türkiyə yığması millimiz kimi 7 pillə geriləyib və 32-ci olub (747 xal). Düşmən Ermənistan yığması isə 3 pillə geriləyib – 44-cü yer, 601 xal.
Reytinq cədvəlinə həmişəki kimi 1379 xalla İspaniya başçılıq edir. Fevralın 29-da İngiltərəni udan Hollandiya 1 pillə irəliləyərək 2-ci olub – 1332 xal. Fransaya uduzan Almaniya isə 1 pillə geriləyərək 3-cü pilləyə düşüb – 1289 xal. İlk 10-luqda həmçinin Uruqvay (1289 xal), Braziliya (1157 xal), İngiltərə (1121 xal), Portuqaliya (1106 xal), Argentina (1102 xal), İtaliya (1062 xal) və Xorvatiya (1049 xal) qərarlaşıb.
Növbəti reytinq cədvəli aprelin 11-də açıqlanacaq.
