9 mart 2012 14:12
Xəzər Lənkəranın 18-cisi
Azərbaycan Premyer Liqasının 19-cu turu “Xəzər Lənkəran”da daha 1 futbolçunun debütü ilə əlamətdar oldu. Azerisport.az xəbər verir ki, “Turan”la səfər oyununun sonlarında meydana daxil olan Ballo Salif ilk dəfə cənub təmsilçisinin formasında rəsmi matçın iştirakçısı oldu.
Beləliklə malili yarımmüdafiəçi “Xəzər Lənkəran” tarixinin bütün futbolçularının ümumi sayını 144-ə çatdırdı. Bununla da 2011/12 mövsümündəki debütantlarıın sayı 18-ə çatdı. Balloya qədər Eder Bonfim, Rikardo Qomeş, Joao Paulo, Çaba Borbeli, Marius Onofraşa, Dejan Rusiç, Branimir Subaşiç, Mario Rosas, Antonio Semedo, Eldar İsmayılov, Kamal Bayramov, Habil Nurəhmədov və Zahid Quliyev 2011-ci ildə. Sadio Tounkara, Roberto Alviz, həmçinin Rendall Breneslə Stevan Bates bu ilin ilk 3 matçında yeni komandalarında debüt etmişdilər.
Qeyd edək ki, “Xəzər Lənkəran”ın şərəfini qorumuş 144 oyunçu siyahısına 89-cu legioner kimi düşən Ballo həmyerlisi Sadio Tounkaradan sonra 2-ci malilidir Ümumilikdə isə komandada təmsil olunan ölkələrin sayı 32-dir: Rumıniya – 18, Braziliya – 10, Türkiyə - 9, Serbiya – 7, Belarus - 5, Bolqarıstan, Portuqaliya – hərəsi 4, Albaniya, Gürcüstan, Kolumbiya, Litva, Rusiya, Kosta-Rika, Mali – hərəsi 2, Çexiya, Estoniya, Fransa, Honduras, İsveç, Kot d’ivuar, Moldova, Nigeriya, Qana, Slovakiya, Argentina, Latviya, Syerra-Leone, Qvineya, Ukrayna, Sloveniya, İspaniya, Xorvatiya – hərəsi 1.
