12 mart 2012 01:44
Türkiyə mətbuatı Amitin son oyununa qiymət verdi
Türkiyə mətbuatı gənclərdən ibarət yığma komandamızın yarımmüdafiəçisi Amit Quluzadənin Bank Asya birinci liqanın son turundakı çıxışını qiymətləndirib. Azerisport.az xəbər verir ki, səfərdə “Giresunspor” ilə qarşılaşmanın iştirakçısı olan “Kayseri Erciyesspor”un üzvü orta qiymətə layiq görülüb.
Belə ki, türkiyəli həmkarlarımız Amitə 4 bal veriblər. Quluzadə ilə yanaşı, daha 2 futbolçu da 4 balla qiymətləndirilib. Yerdə qalan oyunçular isə daha yüksək bala layiq görülüblər.
Xatırladaq ki, Amit bu oyunda 75-ci dəqiqədə meydana çıxmışdı. Komandası isə rəqibi üzərində qələbəni verməsi azmış kimi, son dəqiqələrdə məğlubiyyətlə barışmalı olmuşdu – 1:2.
Erciyesspor: Emrullah – 5, Davut - 6, Cemil - 6, Fatih - 6, Orhan - 6, Metin - 6, İnsa Silla - 4, Serkan Atak - 6 (Amit Quluzadə, 75) - 4, Serkan Çalık - 5 (Mehmet Ayaz, 60) - 4, Sofiane Hanni - 6, Gökhan Kaba - 7 (Zafer, 84) – qiymətsiz.
