12 mart 2012 18:03
A Seriyasında daha bir baş məşqçi istefası
Futbol üzrə İtaliya A Seriyasında növbəti baş məşqçi istefası gerçəkləşib. Azerisport.az xəbər verir ki, “Cagliari” klubunun rəhbərliyi baş məşqçi David Ballardininin fəaliyyətinə son qoyub.
Sözügedən komandanın cari mövsümdəki uğursuz çıxışı klub rəhbərliyini məhz sözügedən çalışdırıcını postundan uzaqlaşdırması ilə nəticələnib. Həftəsonu baş tutan “Napoli” ilə oyundakı 3:6 hesablı darmadağın Ballardini üçün son olub.
Maraq üçün bildirək ki, Ballardini “Cagliari”də bu mövsüm qovulan üçüncü məşqçidi. Bu klub mövsümə Roberto Donadoni ilə başlamış, az sonra Massimo Fikkadentiyə tapşırılmış, ən sonda isə Ballardini gətirilmişdi.
Artıq “Cagliari”də yeni baş məşqçinin kimliyi də bəllidi. Bu, elə bu mövsümdə gəlib istefa vermiş Massimo Fikkadentidi. Komandanın hazırda 27 turdan sonra 17-ci pillədə qərarlaşdığını da qeyd edək.
