15 mart 2012 02:12
Son 1/4 finalçılar Real və Chelsea oldu (YENİLƏNİB)
Futbol üzrə UEFA Çempionlar Liqasında 1/8 final mərhələsinə yekun vurulub. Azerisport.az xəbər verir ki, ilk oyun günündə iki qarşılaşma keçirilib.
"Bayern” səfər oyununda gözlənilmədən yenildiyi “Basel”i qəbul edib. Almaniya klubu nəyinki 0:1 hesablı məğluğiyyətin əvəzini çıxıb, hətta rəqibinə divan tutub. Müllerin 1, Robbenin 2, Qomesin 4 qol vurduğu oyunda Münhen klubu 7:0 hesablı qələbə qazanıb.
Günün digər oyununda isə İtaliya və Fransa klubları qarşılaşıb. Milan “İnter”i Marsel “Olympique”ini qəbul edib. “İnter” ev oyununda qələbə qazansa da, mərhələ adlaya bilməyib.
1/4 finalın son iki iştirakçısı isə bu gün müəyyənləşib. “Chelsea” - “Napoli” matçına maraq daha böyük idi. İlk oyunda məğlub olmuş İngiltərə nəhənginin yoluna davam edib-etməyəcəyi çoxlarını maraqlandırırdı. İngilislər böyük əzmkarlıq nümayiş etdirərək, hətta əlavə vaxta qədər daşıdığı oyunda ümumi qələbəni təmin edə bilib. “Real” isə ilk oyunda sülh bağladığı Moskva CSKA-sına şans tanımayıb.
Beləliklə, “Barcelona”, “Milan”, “Benfica” və APOEL-in ardınca “Bayern”, “Olympique” (Marsel), "Chelsea" və "Real" da mərhələ adlayaraq, qalib adı uğrunda mübarizəni davam etdirmək imkanı qazanıb.
Çempionlar Liqası
1/8 final mərhələsi (cavab oyunları)
13 mart
Bayern (Almaniya) – Basel (İsveçrə) - 7:0 (ilk oyun 0:1)
Qollar: Robben, 11; 81, Müller, 42, Qomes, 45; 50; 61; 67.
Inter (İtaliya) – Olympique (Marsel) - 2:1 (0:1)
Qollar: Milito, 75, Patsini, 90+6-pen - Brandao, 90+1.
14 mart
Chelsea (İngiltərə) – Napoli (İtaliya) - 4:1 (əlavə vaxtda) (1:3)
Qollar: Droqba, 29, Terri, 48, Lampard, 75-pen, İvanoviç, 105 - G.İnlər, 55.
Real (İspaniya) - CSKA (Moskva, Rusiya) - 4:1 (1:1)
Qollar: İquayn, 26, Ronaldo, 55; 90, Benzema, 70 - Toşiç, 77
Qeyd edək ki, bu mərhələnin digər oyunlarında aşağıdakı nəticələr qeydə alınmışdı:
Arsenal (İngiltərə) – Milan (İtaliya) - 3:0 (ilk oyun 0:4)
Benfica (Portuqaliya) - Zenit (Rusiya) - 2:0 (2:3)
APOEL (Kipr) - Olympique (Lion, Fransa) - 1:0 (0:1) (penaltilərlə 4:3)
Barcelona (İspaniya) - Bayer (Almaniya) - 7:1 (3:1)
