14 mart 2012 13:12
Qəbələ Donetskdə dörd cavabsız qolla qalib gəldi
Ukraynanın Donetsk şəhərində təlim-məşqlərini davam etdirən “Qəbələ”nin 15 yaşa qədər futbolçulardan ibarət komandası hazırlıq çərçivəsində ikinci yoxlama oyununu keçirib. Azerisport.az xəbər verir ki, “Şaxtyor”un şəhər filialının komandası ilə qarşılaşan təmsilçimiz böyük hesabla qalib gəlib.
Əli Səmədov, Roman Hüseynov, Vüqar Əlibabayev və Ülvi İskəndərovun qolları komandamızın 4:0-lıq qələbəsini təmin edib.
Xatırladaq ki, “Qəbələ” 3-cü – sonuncu yoxlama oyununda “Metallurg”un 15 yaşa qədər futbolçularından ibarət komandası ilə qüvvəsini sınayacaq. Matç martın 15-də baş tutacaq.
