15 mart 2012 15:03
Bakı baharın gəlişini belə qeyd etdi (FOTO)
“Bakı” ilk baharın gəlişini təntənə ilə qeyd edib. Azerisport.az xəbər verir ki, klubun təlim-məşq bazasında yerləşən Akademiyada keçirilən bayram tədbirini giriş sözü ilə “Bakı” futbol klubunun vitse-prezidenti Nail Əliyev açıb.
O, öncə klub rəhbərliyinin təbriklərini çatdırıb. Sonra klub tərəfindən futbolçular üçün yaradılan yüksək səviyyəli şəraitdən, onların uğurlu çıxışından danışıb.
Sonra söz “Bakı” futbol klubunun uşaq futbolu üzrə koordinatoru Yüksəl Kepoğluya verilib. Kepoğlu da çıxışı zamanı yeniyetmə futbolçuların gələcəyinə inandığını onların istər klub, istərsə də milli səviyyəsində Azərbaycanı layiqincə təmsil edəcəyinə ümidvar olduğunu qeyd edib.
Tədbir baharın simvolları – Kosa, Keçəl və Bahar qızın çıxışı ilə davam etdirilib. Sonda futbolçular üçün bayram süfrəsi açılıb.
