16 mart 2012 12:11
Yunis Hüseynovun köməkçiləri müəyyənləşdi
“Xəzər Lənkəran”ın yeni baş məşqçisi Yunis Hüseynov artıq öz köməkçilərinin kimliyini müəyyənləşdirib. Azerisport.az xəbər verir ki, ona Zamin Əsədullayevlə Zakir Mahmudov yardımçı olacaqlar.
Qeyd edək ki, Mahmudov bir qayda olaraq həmişə Hüseynovla birgə çalışıb. O, həm “Karvan”da, həm də “Standard”da çalışdığı vaxtlarda Hüseynovun əsas köməkçisi olub. Son dövrlərdə isə Yevlax klubunda baş məşqçi vəzifəsində çalışırdı. Amma yeni təklifi alan kimi, Mahmudov “Karvan”dan istefa verib.
Onunla yanaşı, A kateqoriyalı məşqçi Zamin Əsədullayev də Hüseynovun əsas köməkçilərindən biri təyin olunub. Bundan əlavə hazırda “Xəzər Lənkəran”da seleksiyaçı məşqçi kimi çalışan Zaur Ramazanov da baş məşqçisinin köməkçisi olacaq. “Karvan”da Hüseynovun rəhbərliyi altında oynayıb Azərbaycan çempionatının ən yaxşı bombardiri olan Ramazanov eyni zamanda komandada seleksiya işlərini də davam etdirəcək.
