19 mart 2012 00:34
Aleksandr Şoliç: Xəzər Lənkəran səhvlərimizi bağışlamayacaq
“Bakı”nın yarımmüdafiəçisi Aleksandr Şoliç Premyer Liqanın 24-cü turunun “Xəzər Lənkəran”la oyunu öncəsi fikirlərini açıqlayıb. Azerisport.az saytına müsahibəsində o, bunları dilə gətirib:
“Bizim hədəfimiz hər oyunda qələbə qazanmaqdı. Lənkərana da qələbə üçün gəlmişik. Bildiyimə görə, burda qazon o qədər də yaxşı vəziyyətdə deyil. Amma bu, nəticəyə təsir göstərməməlidi. Düzdü, çox istərdik ki, qazon yaxşı olsun. Təəssüf ki, qar meydançanı korlayıb. Belədə də zədə almaq təhlükəsi çox olur. Rəqib düşərgədə baş məşqçi dəyişikliyi baş verib ki, bu da ancaq onlar üçün müsbət mənada təsirini göstərə bilər. Çünki rəqib futbolçular yeni baş məşqçiyə özlərini göstərməyə çalışacaqlar. Biz maksimum diqqətli olmalıyıq. Çünki “Xəzər Lənkəran” evdə oynayır və səhvlərimizi bağışlamayacaq. Çox istərdik ki, bu oyunda Uinston Parks da bizə kömək etsin. Amma böyük ehtimalla o, bu görüşdə çıxış edə bilməyəcək. Amma komandamız bir futbolçudan asılı deyil. Qarşıda hələ 9 tur var. Hər bir komanda xal itirəcək. Hər ehtimala qarşı biz də mübarizəmizi sona kimi davam etdirəcəyik. “Bakı” həmişə çempionluq və kubok uğrunda mübarizə aparıb. Azarkeşlər də bizim avrokuboklarda çıxış etməyimizə alışıblar. Amma bunun üçün ilk növbədə mükafatçılar sırasına düşməli, ya da kuboku qazanmalıyıq. Bu heyətlə avrokuboklara vəsiqəyə ümid edə bilərik”.
“Bizim hədəfimiz hər oyunda qələbə qazanmaqdı. Lənkərana da qələbə üçün gəlmişik. Bildiyimə görə, burda qazon o qədər də yaxşı vəziyyətdə deyil. Amma bu, nəticəyə təsir göstərməməlidi. Düzdü, çox istərdik ki, qazon yaxşı olsun. Təəssüf ki, qar meydançanı korlayıb. Belədə də zədə almaq təhlükəsi çox olur. Rəqib düşərgədə baş məşqçi dəyişikliyi baş verib ki, bu da ancaq onlar üçün müsbət mənada təsirini göstərə bilər. Çünki rəqib futbolçular yeni baş məşqçiyə özlərini göstərməyə çalışacaqlar. Biz maksimum diqqətli olmalıyıq. Çünki “Xəzər Lənkəran” evdə oynayır və səhvlərimizi bağışlamayacaq. Çox istərdik ki, bu oyunda Uinston Parks da bizə kömək etsin. Amma böyük ehtimalla o, bu görüşdə çıxış edə bilməyəcək. Amma komandamız bir futbolçudan asılı deyil. Qarşıda hələ 9 tur var. Hər bir komanda xal itirəcək. Hər ehtimala qarşı biz də mübarizəmizi sona kimi davam etdirəcəyik. “Bakı” həmişə çempionluq və kubok uğrunda mübarizə aparıb. Azarkeşlər də bizim avrokuboklarda çıxış etməyimizə alışıblar. Amma bunun üçün ilk növbədə mükafatçılar sırasına düşməli, ya da kuboku qazanmalıyıq. Bu heyətlə avrokuboklara vəsiqəyə ümid edə bilərik”.
