29 mart 2012 01:36
Barcelona və Milan sülhlə ayrıldı (YENİLƏNİB)
Futbol üzrə UEFA Çempionlar Liqasında 1/4 final mərhələsinin ilk oyunlarına start verilib. Azerisport.az xəbər verir ki, ilk oyun günündə iki görüş baş tutub.
Turnirin ən sürpriz komandalarından sayılan Nikosiya APOEL-i bu dəfə Madrid “Real”ına öz gücünü göstərməyə çalışıb. Lakin Madrid klubu rəqibini səfərdə darmadağın etməklə, APOEL nağılına son qoymuş olub. “Benfica” isə “Chelsea”ni qəbul edib. Bu görüşdə də londonlular səfərdə qələbə qazanmaqla, önəmli üstünlüyə yiyələniblər.
İkinci oyun günündə isə erkən final kimi dəyərləndirilən “Milan” – “Barcelona” görüşü baş tutub. Tərəflər ilk görüşdən qolsuz heç-heçə ilə ayrılıblar. Bu gün həm də Marsel “Olympique” ilə “Bayern” münasibətlərinə aydınlıq gətirib. Almaniya təmsilçisi səfərdə 2 qol vurmaqla cütün taleyini demək olar ki, həll edib.
Çempionlar Liqası
1/4 final (ilk oyunlar)
27 mart
APOEL (Cənubi Kipr) - Real (İspaniya) - 0:3 (0:0)
Qollar: Benzema, 74; 90, Kaka, 82.
Benfica (Portuqaliya) – Chelsea (İngiltərə) - 0:1 (0:0)
Qol: Kalu, 75.
28 mart
Milan (İtaliya) – Barcelona (İspaniya) - 0:0 (0:02-ci hissə)
Olympique (Marsel) - Bayern (Almaniya) - 0:2 (0:1)
Qollar: Qomes, 44, Robben, 72.
