28 mart 2012 20:00
Azərbaycan kuboku: yarımfinal cütləri bəlli oldu (YENİLƏNİB)
Bu gün keçirilən Azərbaycan kubokunun 1/4 final mərhələsinin cavab oyunlarından sonra yarımfinalçılar bəlli olub. Azerisport.az xəbər verir ki, məhz bu oyunların ardından həm də finala vəsiqə uğrunda mübarizə aparacaq komandaların hansı cütlərə bölündüyü müəyyənləşib.
Belə ki, 1/2 finalda AZAL - "Bakı" cütünün qalibi "Qarabağ" - "Qəbələ" cütünün qalibi ilə görüşəcəkdi. Daha güclü çıxan "Bakı" və "Qarabağ" finala vəsiqə uğrunda bir-biri ilə mübarizə aparmalı olacaq.
Yarımfinaldakı digər maraqlı qarşılaşma isə əzəli rəqiblər “Neftçi” ilə “Xəzər Lənkəran”arasında baş tuta bilərdi. Bunun üçün 1/4 finalda "Xəzər Lənkəran" öz meydanında "İnter"dən (ilk oyun 2:3), "Neftçi" isə "Kəpəz"dən (2:1) üstün olmalıydı. "Neftçi" bunu bacarsa da, "Xəzər Lənkəran" eyni uğuru təkrarlaya bilməyib. Nəticədə, digər yarımfinal cütündə paytaxt derbisinin şahidi olacağıq.
Qeyd edək ki, yarımfinal mərhələsinin ilk oyunları aprelin 18-də, cavab qarşılaşmaları isə aprelin 25-də baş tutacaq. Final oyunu isə mayın 17-də keçiriləcək.
Azərbaycan kuboku
Yarımfinal
Bakı - Qarabağ
İnter - Neftçi
