2 aprel 2012 17:08
Yığmamızın oyununa təyinatlar açıqlandı
Futzal üzrə dünya çempionatının play-off mərhələsinin cavab oyunları çərçivəsində aprelin 9-da keçiriləcək Rusiya – Azərbaycan oyununa təyinatlar açıqlanıb. Azerisport.az xəbər verir ki, sözügedən oyunu çexiyalı hakimlər idarə edəcək.
Onların işinə hollandiyalı hakim-inspektor qiymət verəcək. UEFA nümayəndəsi isə serbiyalıdı. Təyinatlarla aşağıda daha yaxından tanış ola bilərsiz.
Qeyd edək ki, Rusiya – Azərbaycan oyununu Tümen şəhərində, Bakı vaxtı ilə saat 18:00-da başlayacaq. Bakıdakı ilk oyunda komandamız 2:3 hesabıyla məğlub olmuşdu.
Hakimlər: Karel Heniç, Yan Kresta, Radek Venç (Çexiya)
Hakim-inspektor: Antonius Van Eekelen (Hollandiya)
UEFA nümayəndəsi: Zoran Dimiç (Serbiya)
