2 aprel 2012 11:18
“Bu mövsüm mütləq avrokuboklara vəsiqə qazanmalıyıq”
“Bakı”nın hücumçusu Uinston Parks Premyer Liqanın 26-cı turunun “Qəbələ” ilə oyunundan (2:1) sonra azerisport.az saytının suallarını cavablandırıb.
- “Qəbələ” üzərində əzmkar qələbə qazandınız. Təəssüratlarınız necədi?
- Belə oyunlar adətən çox çətin olur. Hesabda geri düşəndən sonra fərqlənmək üçün maksimum güc sərt etmək lazım gəlir. Bizdə bu, alındı. Birinci hissəni bizim üçün heç də uğurlu saymaq olmaz. Fasilədən sonra isə oyunumuz yaxşılaşdı və uğur qazana bildik. Düşünürəm ki, qələbəyə layiq idik.
- Belə oyunlar adətən çox çətin olur. Hesabda geri düşəndən sonra fərqlənmək üçün maksimum güc sərt etmək lazım gəlir. Bizdə bu, alındı. Birinci hissəni bizim üçün heç də uğurlu saymaq olmaz. Fasilədən sonra isə oyunumuz yaxşılaşdı və uğur qazana bildik. Düşünürəm ki, qələbəyə layiq idik.
- Amma oyuna üç dəqiqə əlavə olunmasaydı, çətin ki, “Bakı” qələbə qazana bilərdi...
- Biz istənilən halda qələbəyə oynayırdıq. Amma təbii ki, əlavə olunan üçüncü dəqiqədə qol vurmağımızda bəxtimiz də gətirdi. Düzünü deyim ki, son dəqiqələrdə artıq heç-heçə olacağını düşünürdüm. Özü də zədə aldığım üçün son dəqiqələri ehtiyat oyunçular skamyasında keçirdim.
- Yeri gəlmişkən, zədəniz nə dərəcədə ağırdı?
- Ümid edirəm ki, çox ciddi deyil. Ayağımda bir qədər ağrılar var. Amma növbəti oyuna kimi sıraya dönməyə çalışacağam.
- Ümid edirəm ki, çox ciddi deyil. Ayağımda bir qədər ağrılar var. Amma növbəti oyuna kimi sıraya dönməyə çalışacağam.
- Vurduğunuz qol mövsümün ən yaxşı qollarından sayıla bilər...
- Xoş sözlərə görə sağ olun. Həqiqətən vurduğum qol gözəl alındı. Həmin anda bu barədə düşünmürdüm. Əsas məğlubiyyətdən qaçmaq idi. Oyundan sonra təkrara mütləq baxacağam.
- Karyeranızda neçə dəfə belə qol vurmusuz?
- Hesablamamışam. Ona görə sizə konkret rəqəmlər söyləyə bilmərəm. Amma deyə bilərəm ki, bu, ən yaxşı qollarımdan biri idi.
- Hesablamamışam. Ona görə sizə konkret rəqəmlər söyləyə bilmərəm. Amma deyə bilərəm ki, bu, ən yaxşı qollarımdan biri idi.
- Qələbəyə baxmayaraq, “Qəbələ”ni turnir cədvəlində qabaqlaya bilmədiniz...
- Deməli, daha çox çalışmağımıza ehtiyac var. Biz başa düşürük ki, liderlər qrupundan çox geri qalırıq. Amma qarşıda digər oyunlarımız da var və hər şey mümkündü. Bu mövsüm biz mütləq avrokuboklara vəsiqə qazanmalıyıq.
- Bunu Azərbaycan kubokunda həyata keçirmək daha asan görünür...
- Hər halda heç kim bizə zəmanət verə bilməz ki, biz bunu həmin turnirdə bacaracağıq. Odu ki, həm Premyer Liqada, həm də kubokdakı şanslarımızdan sona kimi yararlanmağa çalışmalıyıq.
