3 aprel 2012 15:24
Fərid Quliyevə üç oyunluq cəza!
Bu gün keçirilən AFFA İntizam Komitəsinin iclasında Premyer Liqada çıxış edən klubların əvəzedici heyətləri arasında təşkil olunan ölkə çempionatının 26-cı turunun, eləcə də birinci divizionun təxirə salınan 16-cı və 23-cü turunun oyunlarında qeydə alınan qanun pozuntularına da hüquqi qiymət verilib. Azerisport.az xəbər verir ki, aparılan müzakirələrdən sonra aşağıdakı qərarlar qəbul edilib:
Premyer Liqada çıxış edən klubların əvəzedici heyətlərinin 26-cı turunun “İnter” – “Qəbələ” matçının 77-ci dəqiqəsində “Qəbələ”nin futbolçusu Elvin Camalov kobud oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 100 manat cərimə olunub.
Azərbaycan I divizionunun 16-cı turunun təxirə salınmış “Lokomotiv” – “Muğan” matçının 90+3-cü dəqiqəsində “Muğan”ın futbolçusu Vasif Nəsirov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
Azərbaycan I divizionunun 16-cı turunun təxirə salınmış “Karvan” – “Şəmkir” matçında “Karvan”ın 4 futbolçusu sarı vərəqə ilə cəzalandığı üçün klub 100 manat cərimə olunub. Oyunun 78-ci dəqiqəsində “Şəmkir”in futbolçusu Ramil Sadıqov rəqibini təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb, klubu 100 manat cərimə olunub.
Azərbaycan I divizionunun 16-cı turunun təxirə salınmış “MKT-Araz” – “Qaradağ Lökbatan” matçında “MKT-Araz”ın 4 futbolçusu sarı vərəqə ilə cəzalandığı üçün klub 100 manat cərimə olunub.
Azərbaycan I divizionunun 16-cı turunun təxirə salınmış “Şahdağ” – “Tərəqqi” matçında “Şahdağ”ın 4 futbolçusu sarı vərəqə ilə cəzalandığı üçün klub 100 manat cərimə olunub. Oyunun 81-ci dəqiqəsində “Tərəqqi”nin futbolçusu Tural Ağayev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
Azərbaycan I divizionunun 16-cı turunun təxirə salınmış “Şuşa” – “Göyəzən” matçının 87-ci dəqiqəsində “Göyəzən”in futbolçusu Səməd Mahmudovla “Şuşa”nın futbolçusu Fərid Quliyev bir-birini təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün hər iki futbolçu 3 oyunluq cəzalanıb, klublar 200 manat cərimə olunub.
Azərbaycan I divizionunun 23-cü turunun “Göyəzən” – MOİK matçında MOİK-in 4 futbolçusu sarı vərəqə ilə cəzalandığı üçün klub 100 manat cərimə olunub.
Azərbaycan I divizionunun 23-cü turunun “Lokomotiv” – “Energetik” matçında “Energetik”in 7 futbolçusu sarı vərəqə ilə cəzalandığı üçün klub 100 manat cərimə olunub. Oyunun 35-ci dəqiqəsində “Energetik”in futbolçusu Ruslan Həmidov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb, klubu 400 manat cərimə olunub. Matçın 70-ci dəqiqəsində “Energetik”in futbolçusu Orxan Əlibalayev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
