3 aprel 2012 00:01
Danışılmış oyunlara görə 3 futbolçu həbs olundu
İtaliyada oyun alqı-satqısı ilə bağlı növbəti həbslər başlayıb. Azerisport.az xəbər verir ki, ötən gün səhər saatlarında üç futbolçu saxlanılıb.
Bari Prokurorlağının tələbi, Bari məhkəməsinin qərarı ilə polis “Bari”, “Juventus”, “Siena”, “Genoa” klublarının sabiq üzvü, hazırda “Atalanta”da forma geyinən Andrea Masiello və iki komanda yoldaşı Covanni Karella ilə Fabio Cakobbe həbs edilib. Məlumata görə, daha 20 nəfərlə bağlı istintaq davam edir.
Futbolçuların ötən ilin may ayında keçirilən “Bari” – “Lecce” matçı ilə bağlı saxlanıldığı bildirilir. Həmin oyunda “Leççe” 2:0 hesablı qələbə qazanıb. Bundan başqa “Bari”nin ötən mövsüm oynadığı 9 oyunla bağlı da araşdırma aparılır.
