4 aprel 2012 13:01
“Mənə Azərbaycanın yox, öz komandamın üzvləri maraqlıdı”
Futbol üzrə gənclərdən ibarət Finlandiya yığmasının baş məşqçisi Mika Laurikaynen bu gün baş tutacaq Azərbaycan millisi ilə yoxlama oyunu öncəsi fikirlərini açıqlayıb. Azerisport.az xəbər verir ki, o, bu oyun öncəsi heç də yaxşı hazırlaşa bilmədiklərinə diqqət çəkib:
“Komanda oyuna cəmi bir gün qalmış bir araya gələ bildi. Buna görə də sadəcə bir məşq keçə bilmişik. Lakin uşaqların məşqdəki çalışmaları mənim xoşuma gəldi. Həm də hava da artıq çox yaxşıdı”.
“Komanda oyuna cəmi bir gün qalmış bir araya gələ bildi. Buna görə də sadəcə bir məşq keçə bilmişik. Lakin uşaqların məşqdəki çalışmaları mənim xoşuma gəldi. Həm də hava da artıq çox yaxşıdı”.
Baş məşqçi eyni zamanda komandasının çoxdan bir araya gəlməməsinə də toxunub: “Biz çoxdan idi toplaşmırdıq. Amma bunda ciddi problem görmürəm. Hər halda heyətin 5 üzvü eyni komandada – TPS-də forma geydiyi üçün bir-birini yaxşı başa düşürlər. Digərləri də pis formada deyillər”.
Laurikaynen Azərbaycan yığmasından da danışıb: “Onlar Avropa çempionatının seçmə mərhələsində mübarizə aparırlar. Heç də pis çıxış etmirlər. Ən azından ona görə ki, Belçika və İslandiyaya qarşı kifayət qədər yaxşı oyun sərgiləyiblər. Hesab edirəm ki, onların yaxşı və keyfiyyətli komandası var”.
Lakin finlərin çalışdırıcısı eyni zamanda futbolçularımız haqda ətraflı məlumata malik olmadığını da dilə gətirib: “Azərbaycanlı oyunçular haqda konkret nəsə deyə bilmərəm. Prinsipcə, mənə daha çox öz komandamın üzvləri maraqlıdı, rəqib futbolçular yox”.
Qeyd edək ki, Finlandiya (U-21) – Azərbaycan (U-21) matçı bu gün Helsinkidə keçiriləcək və Bakı vaxtı ilə 17:45-də başlayacaq.
