5 aprel 2012 13:27
“İnter bizi yenmək üçün hər şey edəcək”
“Qarabağ” aprelin 7-də “İnter”in qonağı olacaq. Azerisport.az xəbər verir ki, hazırda 2-ci pillədə qərarlaşan ağdamlılarla əsas izləyicisi olan “bankirlər”i sadəcə 1 xal ayırır.
Belədə oyunun əhəmiyyəti və turnir cədvəli üçün vacibliyi haqda əlavə sözə ehtiyac qalmır. Final mərhələsinin ilk dövrəsinin sonuncu oyunu öncəsi Namiq Yusifov görüş haqqında fikirlərini açıqlayıb:
“İnter”lə oyun çox çətin olacaq. Rəqibimiz heç şübhəsiz, cari mövsüm ən böyük sürprizə imza atmış komandadı. Olduqca mobil təsir bağışlayırlar. Bu heyətlə çempionluğa oynayacaqlarını yayda heç kim gözləmirdi. Amma göründüyü kimi, Kaxaber Tsxadadzenin yetirmələri çoxlarına baş ağrısı oldu. Düzdü, son zamanlar elə də qənaətbəxş çıxış etmirlər. İndi vəziyyəti düzəltmək üçün daha çox çalışacaqlar. Bu, bizim əleyhimizə ola bilər. Ona görə də oyuna maksimum köklənməliyik. Biz də uzun müddətdi məğlub olmuruq. Bu haqda düşünmürük də. Amma futbolda hər şey olur. Meydana qələbə üçün çıxacağıq. Amma məlumdu ki, “İnter” evdə qələbə qazanmaq üçün hər şey edəcək. Olduqca gərgin bir oyun bizi gözləyir”.
