6 aprel 2012 01:57
Avroliqa: İspanların gecəsi (YENİLƏNİB)
UEFA Avropa Liqasında 1/4 final mərhələsinin oyunlarına yekun vurulub. Azerisport.az xəbər verir ki, dörd görüşün hamısı eyni gündə baş tutub.
Qeyd edək ki, bu mərhələdə iki Almaniya – İspaniya qarşıdurması diqqət çəkirdi. Belə ki, “Atletico” ilk oyunda məğlub etdiyi “Hannover”in qonağı olub və yenə qələbə qazanaraq, yarımfinala çıxıb. “Schalke”ni səfərdə yenməyi bacaran “Athletic” də doğma meydanda uğurunun davamını gətirməyə çalışıb. Düzdü, bu dəfə qələbə qazanmaq mümkün olmasa da, növbəti mərhələyə məhz ispanlar yüksəliblər.
Turnirin 1/4 finalında ən çox komandayla təmsil olunan İspaniyanın daha bir klubu – “Valencia” isə ilk oyunda uduzduğu “AZ Alkmaar”dan qisas almaqla yarımfinalçı olub. Xarkov “Metallist”i isə “Sporting” ilə dueldən qalib ayrılmağı hədəfləsə də, bu istəyinə çata bilməyib. Beləcə, yarımfinalda üç ispan klubuna məhz portuqallar yoldaş olublar.
Avropa Liqası
1/4 final (cavab oyunları)
5 aprel
Athletic (İspaniya) - Schalke (Almaniya) - 2:2 (4:2)
Qollar: Qomes, 41, Laskurain, 55 - Huntelaar, 29, Raul, 52.
Hannover (Almaniya) - Atletico (İspaniya) - 1:2 (1:2)
Qollar: Diuf, 81 - Adrian, 63, Falkao, 87.
Metallist (Xarkov, Ukrayna) - Sporting (Portuqaliya) - 1:1 (1:2)
Qollar: Kristaldo, 57 - Volfsvinkel, 44.
Valencia (İspaniya) - AZ Alkmaar (Hollandiya) - 4:0 (1:2)
Qollar: Rami, 15; 17, Alba, 56, Ernandes, 80.
