6 aprel 2012 13:15
XL çempion olduğu məkanda
“Xəzər Lənkəran” Premyer Liqanın 27-ci turunda “Qəbələ” ilə qarşılaşacaq. Azerisport.az xəbər verir ki, aprelin 7-dəki matça qonaq qismində çıxacaq XL özü üçün bütövkükdə uğurlu hesab oluna bilən məkana qədəm basacaq.
Belə ki, 8 illik tarixində ilk və hələlik yeganə çempionluğunu 2006/07 mövsümündə qeyd edən “Xəzər Lənkəran” son turda məhz Qəbələdə oynayırdı. Həmin vaxt güclülər dəstəsinin debütantı olan Qəbələ təmsilçisi üzərində qələbə bu komandaya çempionluq gətirdi.
Ümumilikdə də Qəbələ səfərləri “Xəzər Lənkəran” üçün uğurlu alınır. Düzdür, son 2 oyunda qələbəni meydan sahibləri bayram edib. Lakin buna qədərki 6 matçda 4 dəfə “Xəzər Lənkəran” qalib gəlib və 2 dəfə 1 xalla kifayətlənib. XL səfərdə rəqib qapısına az qala 2 dəfə çox qol vurub – 12:7.
“Qəbələ” ilə çempionat və kubokdakı oyunların ümumi balansına gəlincə isə XL 16 dəfə bu rəqiblə görüşüb. 10 dəfə qalib gələn “Xəzər Lənkəran” daha 3 dəfə “sülh”lə razılaşıb və yalnız 3 dəfə məğlub olub. Top fərqində isə üstünlük cənubluların tərəfindədi – 28:13.
2006/07 09.12.2006 çempionat e 4:0
2006/07 23.05.2007 çempionat s 3:0
2007/08 30.09.2007 çempionat e 2:1
2007/08 05.04.2008 çempionat s 1:1
2007/08 09.04.2008 kubok s 3:1
2007/08 23.04.2008 kubok e 1:1
2008/09 15.11.2008 çempionat s 1:0
2008/09 03.05.2009 çempionat e 1:2
2009/10 19.09.2009 çempionat s 1:1
2009/10 19.12.2009 çempionat e 1:0
2009/10 12.03.2010 çempionat e 4:1
2009/10 17.04.2010 çempionat s 2:1
2010/11 07.08.2010 çempionat e 1:0
2010/11 06.11.2010 çempionat s 0:1
2011/12 23.09.2011 çempionat e 2:1
2011/12 21.02.2012 çempionat s 1:2
