6 aprel 2012 11:18
“Qol buraxmamaq üçün məndən asılı olan hər şeyi edəcəyəm”
Futzal üzrə Azərbaycan yığmasının qapıçısı Elnur Zamanov azerisport.az saytına müsahibəsində DÇ-2012-yə vəsiqə uğrunda Rusiya ilə cavab pley-off matçına hazırlıqdan və şanslarımızdan danışıb.
- Cavab oyununa hazırlıqlar necə gedir?
- Hər şey yaxşıdı. Komandada əla atmosfer hökm sürməkdədi. İlk oyundan sonra daha çox müdafiəyə diqqət yetirməyə başlamışıq. Şansımızı əks-hücumlarda yoxlamağa çalışacağıq. Belə rəqiblə başqa cür mümkün deyil.
- Komandadan ilk qarşılaşma ilə müqayisədə bu dəfə daha yaxşı oyun gözləməyə dəyərmi? Çünki ilk oyunun yalnız son beş dəqiqəsində fəallıq nümayiş etdirə bildiniz...
- Təbii ki, indi hazırlığımız daha yaxşıdı. Hazırlıq üçün daha çox vaxtımız oldu. İndi bir-birimizi daha yaxşı başa düşürük.
- İlk oyunda 2:3 hesabıyla uduzduğumuzu nəzərə alsaq, bu dəfə nəyə ümid edirsiz?
- İlk növbədə müdafiədə diqqətli olmağa çalışacağıq. Daha sonra isə ələ düşən hər şansdan maksimum yararlanmalıyıq. İndidən deyə bilərəm ki, belə vəziyyətlər elə də çox olmayacaq. Yalnız hər qol vəziyyətini dəyərləndirəcəyimiz halda dünya çempionatına vəsiqəyə ümid edə bilərik.
- İlk növbədə müdafiədə diqqətli olmağa çalışacağıq. Daha sonra isə ələ düşən hər şansdan maksimum yararlanmalıyıq. İndidən deyə bilərəm ki, belə vəziyyətlər elə də çox olmayacaq. Yalnız hər qol vəziyyətini dəyərləndirəcəyimiz halda dünya çempionatına vəsiqəyə ümid edə bilərik.
- Ruslar artıq demək olar ki, özlərini DÇ-də hiss edirlər...
- Onlar bunda haqlıdırlar. Amma biz hesab edirik ki, qalib hələ müəyyənləşməyib və hər şeyə Tümendə aydınlıq gələcək. Biz nə bacarırıqsa, etməyə çalışacağıq. Azərbaycan yığmasının tarixində ilk dəfə mundiala getmək şansı var. Bunun üçün sadəcə bir addım atmaq qalıb. Bundan necə istifadə etməmək olar?
- Cavab oyununda da qapını siz qoruyacaqsız. Bu xəbəri necə qarşıladınız?
- Sevindim. Bu, özümü göstərməyim üçün daha bir şansdı. Daim əsas heyətdə çıxış etmək istəyirəm. Fikrimcə, Rusiya ilə oyunda komandanı pis vəziyyətdə qoymaram. Məndən asılı olan nə varsa, edəcəyəm ki, qol buraxmayaq.
- Sevindim. Bu, özümü göstərməyim üçün daha bir şansdı. Daim əsas heyətdə çıxış etmək istəyirəm. Fikrimcə, Rusiya ilə oyunda komandanı pis vəziyyətdə qoymaram. Məndən asılı olan nə varsa, edəcəyəm ki, qol buraxmayaq.
- Yığmamızın Andrey Tveryankindən həqiqətən asılılığı var?
- Mən belə hesab etmirəm. Bizim yaxşı qapıçılarımız var. Onlar Tveryankinə sadəcə təcrübədə uduza bilərlər. Özümüzkülərə də ümid bəsləmək lazımdı.
- Mən belə hesab etmirəm. Bizim yaxşı qapıçılarımız var. Onlar Tveryankinə sadəcə təcrübədə uduza bilərlər. Özümüzkülərə də ümid bəsləmək lazımdı.
